ശ്രീകണ്ഠാപുരം വാർത്തകൾ

ശ്രീകണ്ഠപുരം: ന്യൂഡൽഹി ജന്തർ മന്ദറിൽ നടന്ന പ്രക്ഷോഭത്തിൽ മുസ്ലിം യൂത്ത് ലീഗ്, എം.എസ്.എഫ്. നേതാക്കളെയും പ്രവർത്തകരെയും പോലീസ് അറസ്റ്റ് ചെയ്തതിൽ പ്രതിഷേധിച്ച് യൂത്ത് ലീഗ്, എം.എസ്.എഫ്. പ്രവർത്തകർ ശ്രീകണ്ഠപുരത്ത് പ്രതിഷേധ പ്രകടനം സംഘടിപ്പിച്ചു. ശ്രീകണ്ഠപുരം ഗവ. ഹയർ സെക്കന്ററി സ്കൂൾ പരിസരത്തു നിന്നും ആരംഭിച്ച പ്രതിഷേധ പ്രകടനം ടൗൺ ചുറ്റി ബസ് സ്റ്റാൻഡ് പരിസരത്ത് സമാപിച്ചു. കേന്ദ്ര സർക്കാറിന്റെയും പോലീസിന്റെയും ജനാധിപത്യവിരുദ്ധ നടപടിക്കെതിരെ ശക്തമായ മുദ്രാവാക്യങ്ങൾ മുഴക്കിയാണ് പ്രവർത്തകർ അണിനിരന്നത്. പ്രതിഷേധ പ്രകടനത്തിന് യൂത്ത് ലീഗ് ഇരിക്കൂർ മണ്ഡലം പ്രസിഡന്റ് അഷഫീർ ചെങ്ങളായി, ജനറൽ സെക്രട്ടറി ഹനീഫ നടുവിൽ, എം.എസ്.എഫ്. ജില്ലാ വൈസ് പ്രസിഡന്റ് കലാം ഇരിക്കൂർ, ഫിറോസ് വളക്കൈ, മുദസ്സർ മുനീം, ആരിഫ് നടുവിൽ, നൂറുദ്ധീൻ പി., എൻ.പി. റഷീദ് മാസ്റ്റർ, എം. ബഷീർ, അഫ്സൽ കായക്കൂൽ, ഷബീബ് പി., മുനീർ സി., അഫ്സൽ കെ.പി., ഉസ്സൻ പി., നൗഷാദ്, സിയാദ്, ഫൈസൽ, ജാസിർ, നിഹാൽ, സബിൻ, അംജദ്, അഭിഷേക് തുടങ്ങിയവർ നേതൃത്വം നൽകി.