ശ്രീകണ്ഠാപുരം വാർത്തകൾ

പയ്യാവൂർ: കാക്കത്തോട് പ്രിയദർശിനി ആർട്സ് ആൻഡ് സ്പോർട്സ് ക്ലബിൻ്റെ ആഭിമുഖ്യത്തിൽ സംഘടിപ്പിക്കുന്ന അഖില കേരള വോളിബോൾ ടൂർണമെൻ്റ് ഫെബ്രുവരി 5 മുതൽ 7 വരെ കണ്ടകശേരി ഫ്ലഡ്ലിറ്റ് സ്‌റ്റേഡിയത്തിൽ നടക്കും. റോയി കൈനക്കരിയിൽ മെമ്മോറിയൽ ട്രോഫി, ബാബു കുന്നക്കാട്ട് മെമ്മോറിയൽ ട്രോഫി എന്നിവക്കായാണ് അഖില കേരള വോളി. സ്റ്റീവ് സൈമൺ കല്ലിടുക്കിൽ ട്രോഫിക്കും ത്രേസ്യാമ്മ പാമ്പള്ളിൽ ട്രോഫിക്കുമായുള്ള ജില്ലാതല വോളിയും ഇതോടൊപ്പം നടത്തും. 5 ന് വൈകുന്നേരം 6.30 ന് പയ്യാവൂർ ഗ്രാമപഞ്ചായത്ത് പ്രസിഡൻ്റ് സിന്ധു ബെന്നി ടൂർണമെൻ്റ് ഉദ്ഘാടനം ചെയ്യും. ക്ലബ് പ്രസിഡൻ്റ് ജിത്തു തോമസ് അധ്യക്ഷത വഹിക്കും. 7 ന് വൈകുന്നേരം 6 ന് സമാപന സമ്മേളനം സജീവ് ജോസഫ് എംഎൽഎ ഉദ്ഘാടനം ചെയ്യും. ▪️ റിപ്പോർട്ടർ: തോമസ് അയ്യങ്കനാൽ