ശ്രീകണ്ഠാപുരം വാർത്തകൾ

ചെമ്പേരി: പത്ത്, പന്ത്രണ്ട് ക്ലാസുകളിലെ  സിബിഎസ്ഇ പരീക്ഷകളിൽ സമ്പൂർണ വിജയം നേടിയ പൂപ്പറമ്പ്  ഫുസ്കോ ഇംഗ്ലീഷ് മീഡിയം സീനിയർ സെക്കൻഡറി സ്കൂളിലെ വിദ്യാർത്ഥികൾ മികച്ച നേട്ടം സ്വന്തമാക്കി. പത്താം ക്ലാസിൽ പരീക്ഷ എഴുതിയ 22 പേരിൽ 98 ശതമാനം മാർക്ക് ലഭിച്ച ആഷിൻ ജിജി സ്കൂൾ ടോപ്പർ ആയി. 3 പേർ 90 ശതമാനത്തിലേറെ മാർക്ക് നേടിയപ്പോൾ 15 പേർ ഡിസ്റ്റിംഗ്ഷനും 3 പേർ ഫസ്റ്റ് ക്ലാസും കരസ്ഥമാക്കി.പന്ത്രണ്ടാം ക്ലാസിൽ 20 പേർ പരീക്ഷയെഴുതിയതിൽ  അനുഷ മനോജ് ആണ് സ്കൂൾ ടോപ്പർ ആയത്. 5 പേർക്ക് ഡിസ്റ്റിംഗ്ഷനും 14 പേർക്ക് ഫസ്റ്റ് ക്ലാസും ലഭിച്ചു. സ്കൂളിന് നൂറ് ശതമാനം  വിജയം നേടിക്കൊടുത്ത വിദ്യാർത്ഥികളെ സ്കൂൾ പ്രിൻസിപ്പൽ സിസ്റ്റർ സലോമി ജോർജ്, മാനേജർ സിസ്റ്റർ സെലിൻ, അഡ്മിനിസ്ട്രേറ്റർ സിസ്റ്റർ ആനിമ്മ, അധ്യാപകർ, അധ്യാപകേതര ജീവനക്കാർ, പിടിഎ എക്സിക്യൂട്ടീവ് അംഗങ്ങൾ എന്നിവർ അനുമോദിച്ചു. ▪️ റിപ്പോർട്ടർ: തോമസ് അയ്യങ്കനാൽ