ശ്രീകണ്ഠാപുരം വാർത്തകൾ

പയ്യാവൂർ: കേര പദ്ധതിയുടെ ലോകബാങ്ക് ഫണ്ടും കർഷക സുസ്ഥിരതാ ഫണ്ടും  വകമാറ്റിയത്, നെല്ല് സംഭരണ കുടിശിക നൽകാത്തത്, റബറിന് അടിസ്ഥാന വില 250 രൂപ പ്രഖ്യാപിക്കാതെ കർഷകരെ വഞ്ചിച്ചത്, കർഷക ക്ഷേമനിധി ബോർഡിനെ അനിശ്ചിതാവസ്ഥയിലാക്കിയത് തുടങ്ങിയ സർക്കാർ നിലപാടുകൾക്കെതിരെ കർഷക പ്രതിഷേധം ശക്തമായി. കർഷക കോൺഗ്രസ് പയ്യാവൂർ മണ്ഡലം കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന പ്രതിഷേധ ധർണ 12 ന് രാവിലെ 11 മുതൽ പയ്യാവൂർ കൃഷിഭവന് മുന്നിൽ നടക്കും. കർഷക കോൺഗ്രസ് കണ്ണൂർ ജില്ലാ പ്രസിഡൻ്റ് ജോസ് പൂമല ധർണ ഉദ്ഘാടനം ചെയ്യും. പയ്യാവൂർ മണ്ഡലം കമ്മിറ്റി പ്രസിഡൻ്റ് ജോസഫ് അറയ്ക്കപ്പറമ്പിൽ അധ്യക്ഷത വഹിക്കും. കോൺഗ്രസ് മണ്ഡലം പ്രസിഡൻ്റ് ഇ.കെ.കുര്യൻ മുഖ്യപ്രഭാഷണം നത്തും.   ▪️ റിപ്പോർട്ടർ: തോമസ് അയ്യങ്കനാൽ