ശ്രീകണ്ഠാപുരം വാർത്തകൾ

കുന്നത്തൂർ : ഇരിക്കൂർ ബി.ആർ സിയുടെ സഹകരണത്തോടെ കുന്നത്തൂർ ജ്ഞാനോദയ വായനശാല & ഗ്രന്ഥാലയത്തിൽ എഴുത്തുകൂട്ടം വായനക്കൂട്ടം ബഡ്ഡിംഗ് റൈറ്റേർസ് ശിൽപ്പശാല സംഘടിപ്പിച്ചു.കുട്ടികളിൽ എഴുത്തും വായനയും പ്രോത്സാഹിപ്പിക്കുക എന്ന ഉദ്ദേശത്തോടെയാണ് പദ്ധതി സംഘടിപ്പിക്കുന്നത്. പ്രശസ്ത സംഗീതജ്ഞൻ ഡോ. ഉണ്ണികൃഷ്ണൻ പയ്യാവൂർ ഉദ്ഘാടനം ചെയ്തു. വായനശാല പ്രസിഡണ്ട് ലിജു ജേക്കബ് അദ്ധ്യക്ഷനായിരുന്നു. സി.ആർ.സി കോർഡിനേറ്റർ നിമിഷ ടി.ഒ പദ്ധതി വിശദീകരിച്ചു. ലിജു ജേക്കബ് എഴുതിയ നൈബ ദി മാജിക് റിംഗ് എന്ന പുസ്തകം കുമാരി നതാഷ മരിയ അഗസ്റ്റിൻ സദസ്സിന് പരിചയപ്പെടുത്തി. നവപുരം മതാധിത ദേവാലയം കേരള ഗാനശ്രീ പുരസ്കാരം നേടിയ ഡോ. ഉണ്ണികൃഷ്ണൻ പയ്യാവൂരിന് വായനശാലയുടെ ഉപഹാരം ലിജു ജേക്കബ് നല്കി. ജോസ് എൻ ബി, അഗസ്റ്റിൻ പി.എ, ജോണി കെ. ജെ എന്നിവർ സംസാരിച്ചു. ▪️ റിപ്പോർട്ടർ: തോമസ് അയ്യങ്കനാൽ