ശ്രീകണ്ഠാപുരം വാർത്തകൾ

പയ്യാവൂർ: ലോകരാജ്യങ്ങൾക്കിടയിൽ സമാധാനവും ഐക്യവും ആഹ്വാനം ചെയ്ത് കലാപങ്ങളിലും ദാരിദ്ര്യത്തിലും ദുരിതമനുഭവിക്കുന്ന സാധാരണ ജനങ്ങൾക്ക് അനുകൂല നിലപാട് സ്വീകരിച്ച ഫ്രാൻസിസ് മാർപാപ്പയുടെ വിയോഗവുമായി ബന്ധപ്പെടുത്തി സോജൻ മാത്യു വടക്കൻ എന്നയാൾ സമൂഹിക മാധ്യമത്തിൽ നടത്തിയ അധിക്ഷേപത്തിനെതിരെ യൂത്ത് കോൺഗ്രസ് ഇരിക്കൂർ നിയോജക മണ്ഡലം കമ്മിറ്റി പ്രതിഷേധിച്ചു. സമൂഹത്തിൽ മതവിദ്വേഷവും ഭിന്നതയുമുണ്ടാക്കി കലാപം സൃഷ്ടിക്കാൻ മന:പ്പൂർവമായ നീക്കം നടത്തിയ ഇയാൾക്കെതിരെ നീതിയുക്തമായ നടപടി സ്വീകരിക്കണമെന്നാവശ്യപ്പെട്ട് യൂത്ത് കോൺഗ്രസ് ഇരിക്കൂർ നിയോജക മണ്ഡലം പ്രസിഡൻ്റ് പ്രിൻസ് പി.ജോർജ് ഇരിട്ടി ഡിവൈഎസ്പിക്ക് പരാതി നൽകി. ▪️ റിപ്പോർട്ടർ: തോമസ് അയ്യങ്കനാൽ