ശ്രീകണ്ഠാപുരം വാർത്തകൾ

പയ്യാവൂർ: കുഞ്ഞിപ്പറമ്പ് ജോസ്മൗണ്ട് ഇടവകയിലെ സെൻ്റ് ജോസഫ്സ് പള്ളിയിൽ മൂന്ന് ദിവസത്തെ തിരുനാൾ ആഘോഷങ്ങൾക്ക് തുടക്കം കുറിച്ച് വികാരി ഫാ.വർഗീസ് കുന്നത്ത് കൊടിയേറ്റി .ഇന്നലെ വൈകുന്നേരം 4 ന് ജപമാല പ്രാർത്ഥനക്ക് ശേഷം ഫാ.ലൂക്കോസ് മറ്റപ്പിള്ളിലിൻ്റെ നേതൃത്വത്തിൽ ആഘോഷമായ തിരുനാൾ കുർബാന, നൊവേന എന്നിവ നടക്കും. ഫാ.മനോജ് കൊച്ചുപുരയ്ക്കൽ വചന സന്ദേശം നൽകും. 7 ന് ടൗൺ പന്തലിലേക്ക് തിരുനാൾ പ്രദക്ഷിണം. 8 ന് മ്യൂസിക്കൽ നൈറ്റ് ഗാനമേളയും നടന്നു. ഇന്ന് (07/05/25) വൈകുന്നേരം 4 ന് ജപമാല പ്രാർത്ഥനയെ തുടർന്ന് ആഘോഷമായ തിരുനാൾ കുർബാന, വചന സന്ദേശം, ലദീഞ്ഞ് എന്നിവക്ക് തലശേരി അതിരൂപത വൈസ് ചാൻസലർ ഫാ.ജോസഫ് റാത്തപ്പിള്ളിൽ കാർമികത്വം വഹിക്കും. ഗ്രോട്ടോ ചുറ്റി പ്രദക്ഷിണം, സമാപനാശീർവാദം, നേർച്ചഭക്ഷണം എന്നിവയോടെ തിരുനാൾ സമാപിക്കും.    ▪️ റിപ്പോർട്ടർ: തോമസ് അയ്യങ്കനാൽ