ശ്രീകണ്ഠാപുരം വാർത്തകൾ

പയ്യാവൂർ: പൈസക്കരി ദേവമാതാ കോളജിലേക്ക് എത്തുന്ന വിദ്യാർത്ഥികൾക്ക് കൺസെഷൻ ഉറപ്പാക്കണമെന്ന് കെഎസ്‌യു ആവശ്യപ്പെട്ടു. കോളജ് തുറന്നിട്ട് ദിവസങ്ങളായെങ്കിലും ബസ് കൺസെഷൻ ഇതുവരെ അനുവദിച്ചിട്ടില്ല. ബസ് അസോസിയേഷനും ആർടിഒയും ഇക്കാര്യത്താൻ മൗനം പാലിക്കുകയാണെന്നും കെഎസ്‌യു ആരോപിച്ചു. കോളജിലേക്ക് എത്തുന്ന വിദ്യാർത്ഥികൾക്ക് ബസുകൾ കൺസെഷൻ നൽകാൻ മടിക്കുന്നസാഹചര്യത്തിലാണ് കെഎസ്‌യു ആവശ്യം ഉന്നയിക്കുന്നത്. ഇനിയും വിദ്യാർത്ഥികൾക്ക് കൺസെഷൻ നിഷേധിക്കാനാണ് ബസ് ഉടമകളുടെ തിരുമാനമെങ്കിൽ ബസുകൾ തടയുന്നതടക്കമുള്ള ശക്തമായ സമരപരിപാടികളിലേക്കു കടക്കുമെന്നും കെഎസ്‌യു മുന്നറിയിപ്പ് നൽകി. ▪️ റിപ്പോർട്ടർ: തോമസ് അയ്യങ്കനാൽ