ശ്രീകണ്ഠാപുരം വാർത്തകൾ

കണ്ണൂർ: ഗ്രാമസ്വരാജ് ഫൗണ്ടേഷൻ്റെ ഭാഗമായ കൺമഷി പെൺകൂട്ടത്തിൻ്റെ ആഭിമുഖ്യത്തിൽ സാർവദേശീയ വനിതാ ദിനത്തോടനുബന്ധിച്ച് സഘടിപ്പിക്കുന്ന ‘പെൺകൂട്ടം 2026’ സെമിനാർ എട്ടിന് രാവിലെ 10 മുതൽ കണ്ണൂർ മഹാത്മാ മന്ദിരത്തിൽ നടക്കും. ‘സ്തനാർബുദത്തെ നേരത്തേ കണ്ടെത്തൽ, ഓരോ സ്ത്രീയും അറിയേണ്ടത് എന്തെല്ലാം’ എന്ന വിഷയത്തിൽ കണ്ണൂരിലെ മലബാർ കാൻസർ കെയർ സൊസൈറ്റി മെഡിക്കൽ ഓഫീസർ ഡോ. ഹർഷ ഗംഗാധരൻ ക്ലാസെടുക്കും. സെമിനാർ കൂടാതെ ഇരുചക്ര വാഹനറാലി, വിവിധ കലാപരിപാടികൾ, പുരസ്കാര സമർപ്പണം, ആദരവ് എന്നിവയും ഉണ്ടായിരിക്കും. റിപ്പോർട്ടർ: തോമസ് അയ്യങ്കനാൽ