ശ്രീകണ്ഠാപുരം വാർത്തകൾ

ശ്രീകണ്ഠപുരം : തൊഴിൽ അന്വേഷകർക്ക് മികച്ച തൊഴിൽ അവസരങ്ങളുമായി ശ്രീകണ്ഠപുരം നഗരസഭയുടെ നേതൃത്വത്തിൽ നടത്തിയ പ്ലെസ്മെന്റ് ഡ്രൈവ് നഗരസഭ അധ്യക്ഷൻ അഡ്വ ഇ വി രാമകൃഷ്ണൻ ഉദ്ഘാടനം ചെയ്തു. വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ കെ വി കുഞ്ഞിരാമൻ മാസ്റ്റർ സ്വാഗതം പറഞ്ഞ പരിപാടിയിൽ വൈസ് ചെയർമാൻ നിഷിദ റഹ്മാൻ അധ്യക്ഷത വഹിച്ചു. നഗരസഭ സ്ഥിരം സമിതി അധ്യക്ഷൻമാരായ ഝാൻസി ജോസഫ് കൊല്ലമന, പി നൂറുദ്ധീൻ, സിന്ധു മധുസൂദനൻ,കെ ബിജു, കൗൺസിലർ ടി കെ പ്രഭാകരൻ, സെക്രട്ടറി ടി വി നാരായണൻ, മെമ്പർ സെക്രട്ടറി വി പ്രേമരാജൻ, തുടങ്ങിയവർ ആശംസകൾ അറിയിച്ച് സംസാരിച്ചു. വിജ്ഞാനകേരളം ഇന്റേൺസ് ദേവിക കെ നാരായണൻ ചടങ്ങിന് നന്ദി പറഞ്ഞു.