ശ്രീകണ്ഠാപുരം വാർത്തകൾ

ചെമ്പന്തൊട്ടി : ചെമ്പന്തൊട്ടി സെന്റ് ജോർജ് ഹൈസ്‌കൂളിന്റെ നാൽപ്പത്തേഴാം വാർഷികാഘോഷം സ്കൂൾ ഓഡിറ്റോറിയത്തിൽ നടന്നു. ശ്രീകണ്ഠപുരം നഗരസഭ ക്ഷേമകാര്യ സ്ഥിരംസമിതി അധ്യക്ഷ ജാൻസി കൊല്ലമന ഉദ്ഘാടനം ചെയ്തു. സ്കൂൾ പിടിഎ പ്രസിഡന്റ് സജി അടവിച്ചിറ അധ്യക്ഷത വഹിച്ചു. സ്കൂൾ മാനേജർ ഫാ.ആന്റണി മഞ്ഞളാംകുന്നേൽ മുഖ്യപ്രഭാഷണം നടത്തി. റിൻസി ജോസഫ്, കെ.വി.രാജേഷ്, ഷീജ പുഴക്കര, ജോയ്സ് സഖറിയാസ്, അൽജോ വിജു എന്നിവർ പ്രസംഗിച്ചു. വിവിധ എൻഡോവ്മെന്റുകൾ, അവാർഡുകൾ, പ്രൊഫിഷ്യൻസി പ്രൈസുകൾ കലോത്സവ വിജയികൾക്കുള്ള മൊമെന്റോകൾ എന്നിവ വിതരണം ചെയ്തു. തുടർന്ന് വിവിധ കലാപരിപാടികളും അരങ്ങേറി. ബെറ്റി മാത്യു, മിനി ജോസഫ്, പി.രൂപ എന്നിവർ നേതൃത്വം നൽകി. ▪️ റിപ്പോർട്ടർ: തോമസ് അയ്യങ്കനാൽ