ശ്രീകണ്ഠാപുരം വാർത്തകൾ

പയ്യാവൂർ: ജലവിതരണ പൈപ്പിടാൻ ചെമ്പേരി, പയ്യാവൂർ ടൗണുകളിലടക്കം മലയോര മേഖലയിൽ ടാറിംഗ് തകർത്ത് കുഴിയെടുത്ത റോഡുകളിൽ അപകടങ്ങൾ വർധിക്കുന്നതിനാൽ ഉടനടി നന്നാക്കി പുർവസ്ഥിതിയിലാക്കാൻ അടിയന്തര നടപടി സ്വീകരിക്കണമെന്നാവശ്യപ്പെട്ട് കേരളാ കോൺഗ്രസ് കണ്ണൂർ ജില്ലാ ജനറൽസെക്രട്ടറി ടെൻസൺ ജോർജ് കണ്ടത്തിൻകരയും ഇരിക്കൂർ നിയോജകമണ്ഡലം പ്രസിഡൻ്റ് സാബു മണിമലയും ചേർന്ന് ജില്ലാ പ്രസിഡൻ്റ് റോജസ് സെബാസ്റ്റ്യൻ, ഉന്നതാധികാര സമിതിയംഗം ജോർജ് കാനാട്ട് എന്നിവരോടൊപ്പം സംസ്ഥാന ജലവിഭവ, ഭവനനിർമാണ വകുപ്പ് മന്ത്രി മോൻസ് ജോസഫിന് നിവേദനംനൽകി. എത്രയും വേഗത്തിൽ റോഡുകൾ നന്നാക്കാനാവശ്യമായ നടപടികൾ ഉടൻ തന്നെ സ്വീകരിക്കുമെന്ന് മന്ത്രി ഉറപ്പു നൽകി. ▪️ റിപ്പോർട്ടർ: തോമസ് അയ്യങ്കനാൽ