ശ്രീകണ്ഠാപുരം വാർത്തകൾ

പയ്യാവൂർ: നടുവിൽ ഗ്രാമപഞ്ചായത്ത്തല അങ്കണവാടി പ്രവേശനോൽസവം പുലിക്കുരുമ്പ അങ്കണവാടിയിൽ പഞ്ചായത്ത് പ്രസിഡൻ്റ് മോളി സജി ഉദ്ഘാടനം ചെയ്തു. വാർഡ് മെംബർ മിനി മാത്യു അധ്യക്ഷത വഹിച്ചു നവാഗതരായ കുട്ടികളെ സമ്മാനക്കിറ്റും തൊപ്പിയും ബലൂണും നൽകി സ്വീകരിച്ചു. സർവീസിൽ നിന്ന് വിരമിക്കുന്ന സിഡിപിഒ പി.ലക്ഷ്മിക്കുട്ടി, സ്ഥലംമാറി പോകുന്ന ഐസിഡിഎസ് സൂപ്പർവൈസർ സി.എം. ഷൈന, പുലിക്കുരുമ്പ അങ്കണവാടി അധ്യാപിക അച്ചാമ്മ എന്നിവരെ പൊന്നാടയണിയിച്ചും മൊമെൻ്റൊ നൽകിയും ആദരിച്ചു. തളിപ്പറമ്പ് ബ്ലോക്ക് പഞ്ചായത്ത് മെംബർ മിനി ജോയ്, പുലിക്കുരുമ്പ സെൻ്റ് ജോസഫ്സ് യുപി സ്കൂൾ മുഖ്യാധ്യാപിക സിസ്റ്റർ മേഴ്സി വർഗീസ്, സൂപ്പർവൈസർ സുനിത എന്നിവർ പ്രസംഗിച്ചു. അങ്കണവാടി പൂർവ വിദ്യാർത്ഥികളുടെ വിവിധ കലാപരിപാടികളും മധുരം വിതരണവും നടന്നു. ജോമോൻ തുണ്ടത്തിൽ, സിൽവി, മോളി എന്നിവർ നേതൃത്വം നൽകി. ▪️ റിപ്പോർട്ടർ: തോമസ് അയ്യങ്കനാൽ