ശ്രീകണ്ഠാപുരം വാർത്തകൾ

ശ്രീകണ്ഠപുരം: യംഗ് മൈൻഡ്സ് ഇന്റർനാഷണൽ റീജണൽ ചെയറിന്റെയും ക്യാബിനറ്റിന്റെയും ഔദ്യോഗിക സന്ദർശനം ശ്രീകണ്ഠപുരം യംഗ് മൈൻഡ്സ് ക്ലബിൽ നടന്നു. ക്ലബ് പ്രസിഡന്റ് കെ.വി. ഗോപി അധ്യക്ഷത വഹിച്ചു. സെക്രട്ടറി പി സന്തോഷ് കുമാർ ആമുഖ പ്രഭാഷണം നടത്തി. റീജനൽ ചെയർ കെ. രഞ്ജിത്ത് കുമാർ പരിപാടി ഉദ്ഘാടനം ചെയ്തു. യംഗ് മൈൻഡ്‌സ് ഡിസ്ട്രിക്ട് ഗവർണർ കെ.വി. പ്രശാന്ത് മുഖ്യപ്രഭാഷണം നടത്തി. റീജണൽ സെക്രട്ടറി രാജേഷ് ഗോപാൽ, റീജണൽ ട്രഷറർ പ്രമോദ് കുമാർ, ഡിസ്ട്രിക്ട് സെനറ്റർ ജോർജ് ജോസഫ്, വിനോദ് പൊടിക്കളം, ലജന സുരേന്ദ്രൻ, ക്ലബ് ട്രഷറർ പി.വി. രാമചന്ദ്രൻ എന്നിവർ പ്രസംഗിച്ചു. ഇന്റർനാഷണൽ പ്രോഗ്രാം ഡയറക്ടർമാരായി തെരഞ്ഞെടുക്കപ്പെട്ട കെ.വി. പ്രശാന്ത്, കെ. രഞ്ജിത്ത് കുമാർ, അടുത്തവർഷത്തെ റീജണൽ ചെയർ ആയി തെരഞ്ഞെടുക്കപ്പെട്ട രാജേഷ് ഗോപാൽ, ഈ വർഷത്തെ കലാകോവിത അവാർഡ് ജേതാവ് നാദം മുരളി എന്നിവരെ ക്ലബ് പ്രസിഡന്റ് കെ.വി. ഗോപി ആദരിച്ചു. ▪️ റിപ്പോർട്ടർ: തോമസ് അയ്യങ്കനാൽ