ശ്രീകണ്ഠാപുരം വാർത്തകൾ

പയ്യാവൂർ: കണിയഞ്ചാൽ ഗവ.സ്‌കൂളിലെ 1979 ബാച്ച് ഏഴാം ക്ലാസ് വിദ്യാർത്ഥികളുടെ കൂട്ടായ്മയായ ‘സ്റ്റാർ ഓഫ് 79’ അന്നത്തെ സഹപാഠിയായിരുന്ന ആനിയമ്മ ബേബിയുടെ പൈസക്കരിയിലെ വീട്ടിൽ നാൽപ്പത്തേഴ് വർഷങ്ങൾക്ക് ശേഷം ഒത്തുചേർന്നു. വളർച്ചയെത്തിയ കശുമാവിൻ്റെ ശിഖരങ്ങളിൽ നിന്ന് പുതിയ തൈകളുണ്ടാക്കുന്ന ‘കാഷ്യു മൾട്ടിപ്പിൾ റൂട്ടിംഗ് പ്രൊപ്പഗേഷൻ മെതേഡ് ‘ എന്ന നൂതന രീതിയുടെ കണ്ടെത്തലിന് രാഷ്‌ട്രപതിയുടെ പുരസ്കാരം നേടിയ ആനിയമ്മയെയും ഭർത്താവ് ബേബിയെയും ‘സ്റ്റാർ ഓഫ് 79’ പൂർവ വിദ്യാർത്ഥി കൂട്ടായ്മയുടെ ആഭിമുഖ്യത്തിൽ പൊന്നാടയണിയിച്ചും ഉപഹാരം കൈമാറിയും മുൻകാല സഹപാഠികൾ അനുമോദിച്ചു. വായാട്ടുപറമ്പിലെ സിസ്റ്റർ ലില്ലിയായിരുന്നു കൂട്ടായ്മക്ക് നേതൃത്വം നൽകിയത്. സിസ്റ്റർ ഡൊമിനി, ചെറിയാൻ, സെലിൻ, റോസമ്മ, മേരി, ലൗലി, ആൻസമ്മ, ആനിയമ്മ, ബേബി, സണ്ണി, ജോയി എന്നിവർ പങ്കെടുത്തു. ▪️ റിപ്പോർട്ടർ: തോമസ് അയ്യങ്കനാൽ