ശ്രീകണ്ഠാപുരം വാർത്തകൾ

അലക്സ് നഗർ: സത്യൻ സ്മാരക വായനശാലയുടെ ആഭിമുഖ്യത്തിൽ ജലസംരക്ഷണ ബോധവൽക്കരണ ക്ലാസും ജലസംരക്ഷണ എക്സിബിഷനും സംഘടിപ്പിച്ചു. ഹരിത കേരളം മിഷൻ ജില്ലാ കോ-ഓർഡിനേറ്റർ ഇ.കെ. സോമസേഖരൻ പരിപാടി ഉദ്ഘാടനം ചെയ്യുകയും ക്ലാസ് നയിക്കുകയും ചെയ്തു. വായനശാല പ്രസിഡന്റ് എം. ബാലൻ ചടങ്ങിൽ അധ്യക്ഷത വഹിച്ചു. വായനശാല വനിതാവേദി സെക്രട്ടറി എ. സൗമ്യ ആമുഖ പ്രഭാഷണം നടത്തി. ഹരിത കേരളം മിഷൻ ജോയിന്റ് കോ-ഓർഡിനേറ്റർ വി. സഹദേവൻ മലപ്പട്ടം, വായനശാല ജോയിന്റ് സെക്രട്ടറി സജി കല്ലിടുക്കിൽ എന്നിവർ സംസാരിച്ചു. പരിപാടിയോടനുബന്ധിച്ച് ഫോട്ടോ എക്സിബിഷനും നടന്നു.