ശ്രീകണ്ഠാപുരം വാർത്തകൾ

പയ്യാവൂർ: ശ്രീകണ്ഠപുരത്ത് സംഘടിപ്പിച്ച സിഎംപി ഇരിക്കൂർ നിയോജക മണ്ഡലം പ്രവർത്തക കൺവൻഷൻ സിഎംപി കണ്ണൂർ ജില്ലാ സെക്രട്ടറി പി.സുനിൽകുമാർ ഉദ്ഘാടനം ചെയ്തു. വി.എൻ.അഷ്റഫ് അധ്യക്ഷത വഹിച്ചു. സി.പി.ഷംസുദ്ദീൻ ആമുഖ പ്രഭാഷണം നടത്തി. കൃഷ്ണൻ കൂലേരി, ലക്ഷ്മണൻ പാച്ചേനി, സി.പി.നാരായണൻ, കുഞ്ഞൻ പയ്യാവൂർ, വിജയൻ കാഞ്ഞിലേരി, എം.ഗോപി, മഞ്ഞേരി കൃഷ്ണൻ എന്നിവർ പ്രസംഗിച്ചു. നമ്മുടെ കേരളത്തെ വീണ്ടെടുക്കാൻ യുഡിഎഫിന്റെ നേതൃത്വത്തിൽ പ്രതിപക്ഷ നേതാവ് വി.ഡി.സതീശൻ നയിക്കുന്ന പുതുയുഗ യാത്രയ്ക്ക് ശ്രീകണ്ഠപുരത്ത് നടക്കുന്ന സ്വീകരണ സമ്മേളനം വിജയിപ്പിക്കാൻ കൺവൻഷൻ തീരുമാനിച്ചു. ▪️ റിപ്പോർട്ടർ: തോമസ് അയ്യങ്കനാൽ