ശ്രീകണ്ഠാപുരം വാർത്തകൾ

പയ്യാവൂർ: സംസ്ഥാന ആരോഗ്യ വകുപ്പിൻ്റെ നേതൃത്വത്തിൽ നടത്തിവരുന്ന ‘അശ്വമേധം 7.0’ കുഷ്ഠരോഗ നിർണയ ഭവന സന്ദർശനത്തിൻ്റെ ഭാഗമായി ചാമക്കാൽ എസ്എൻ യുപി സ്കൂളിൽ ചന്ദനക്കാംപാറ പ്രാഥമികാരോഗ്യ കേന്ദ്രത്തിന്റെ ആഭിമുഖ്യത്തിൽ ബോധവത്കരണ ക്ലാസ് നടത്തി. ജൂണിയർ ഹെൽത്ത് ഇൻസ്പെക്ടർ എസ്.എൽ.സുനി ക്ലാസ് നയിച്ചു. സമൂഹത്തിൽ ഒളിഞ്ഞിരിക്കുന്ന കുഷ്ഠരോഗം കണ്ടെത്തി ശരിയായ ചികിത്സ നൽകി ഭേദമാക്കി മറ്റുള്ളവരിലേക്ക് പകരുന്നത് തടഞ്ഞ് കുഷ്ഠരോഗം നിർമാർജനം ചെയ്യുകയാണ് ലക്ഷ്യം. കുഷ്ഠരോഗ സാധ്യതാ ലക്ഷണങ്ങൾ ക്ലാസിൽ വിശദീകരിച്ചു. അസംബ്ലിയിൽ വിദ്യാർത്ഥികൾ പ്രതിജ്ഞയെടുത്തു. സ്കൂൾ മുഖ്യാധ്യാപിക എം.ഷീജ, എ.കെ.ആശ, പി.സ്മിത, പി.എം.രശ്മി, പി.കെ.ഹോളി, കൃപ സുരേന്ദ്രൻ എന്നിവർ നേതൃത്വം നൽകി. ▪️ റിപ്പോർട്ടർ: തോമസ് അയ്യങ്കനാൽ