ശ്രീകണ്ഠാപുരം വാർത്തകൾ

ശ്രീകണ്ഠപുരം: മലപ്പട്ടം അടുവാപ്പുറത്ത് ഗാന്ധി സ്തൂപം സംബന്ധിച്ച വിഷയത്തിൽ നിലനിന്ന് വരുന്ന അക്രമവും വെല്ലുവിളികളും അവസാനിപ്പിച്ച് നാടിൻ്റെ സമാധാന അന്തരീക്ഷം കാത്ത് സൂക്ഷിക്കാൻ ബന്ധപ്പെട്ട പ്രസ്ഥാനങ്ങൾ സംയമനത്തോടെ പ്രവർത്തിക്കണമെന്ന് എ.ഐ. വൈ. എഫ് ജില്ലാ വൈസ് പ്രസിഡണ്ട് ശരൺ കെ.എസ് , ഇരിക്കൂർ മണ്ഡലം സെക്രട്ടറി എം അഗേഷ്, പ്രസിഡണ്ട് ഷീന സുധീഷ്, എന്നിവർ പ്രസ്ഥാവനയിലൂടെ ആവശ്യപ്പെട്ടു. സമാധാന അന്തരിക്ഷം നിലനിൽക്കുന്ന പ്രദേശത്ത് മനപൂർവം സംഘർഷം ഉണ്ടാക്കുന്ന ശ്രമങ്ങളാണ് ചിലർ നടത്തി കൊണ്ടിരിക്കുന്നത്. . തെറ്റായ ഈ നയത്തിൽ നിന്നും ഇവർ പിന്മാറണമെന്നു നാടിൻ്റെ സമാധാന അന്തരിക്ഷം നിലനിർത്തണമെന്നു എ ഐ വൈ എഫ് ആവശ്യപ്പെട്ടു.