ശ്രീകണ്ഠാപുരം വാർത്തകൾ

പയ്യാവൂർ: ഇത്തവണത്തെ എസ്എസ്എൽസി പരീക്ഷയിൽ ചെമ്പന്തൊട്ടി സെന്റ് ജോർജ് ഹൈസ്‌കൂളിന് അഭിമാനനേട്ടവും ഇരട്ടിയായി. ഇരട്ട സഹോദരിമാർക്കൊപ്പം ഇരട്ട സഹോദരങ്ങളായ രണ്ട് വിദ്യാർത്ഥികൾക്ക് കൂടി മുഴുവൻ വിഷയങ്ങൾക്കും എ പ്ലസ് ലഭിച്ചതിന്റെ സന്തോഷത്തിലാണ് അധ്യാപകരും രക്ഷിതാക്കളും. പി.വി.കാർത്തിക് ദേവ്, പി.വി.വിനായക് ദേവ് എന്നിവരാണ് ഇരട്ട സഹോദരങ്ങളായ മിടുക്കന്മാർ. പഠനത്തിൽ മാത്രമല്ല കലാമത്സരങ്ങൾ, പ്രവൃത്തി പരിചയമേള, സാമൂഹിക ശാസ്ത്രമേള എന്നിവയിലും മികവ് തെളിയിച്ച പ്രതിഭകളാണിവർ. ചുഴലി വിപി ഹൗസിൽ രാജേഷ്-ഷിനി ദമ്പതികളുടെ മക്കളാണ് കാർത്തിക്കും വിനായകും.   ▪️ റിപ്പോർട്ടർ: തോമസ് അയ്യങ്കനാൽ