ശ്രീകണ്ഠാപുരം വാർത്തകൾ

പയ്യാവൂർ: ഇരട്ട കുട്ടികൾക്ക് ഇരട്ടി മധുരം. ഇത്തവണത്തെ എസ്എസ്എൽസി പരീക്ഷാഫലം വന്നപ്പോൾ ചെമ്പന്തൊട്ടി സെന്റ് ജോർജ് ഹൈസ്‌കൂളിലെ അൻവിയ അനീഷിനും ആൻലിയ അനീഷിനും സന്തോഷം ഇരട്ടിയായി. ഇരട്ട സഹോദരിമാരായ രണ്ട് പേർക്കും മുഴുവൻ വിഷയങ്ങളിലും എ പ്ലസ് ഗ്രേഡ് ലഭിച്ചതിന്റെ സന്തോഷത്തിലാണ് അധ്യാപകരും രക്ഷിതാക്കളും. പഠനത്തിൽ മാത്രമല്ല, കലാരംഗങ്ങളിലും പ്രവൃത്തി പരിചയമേളയിലും സാമൂഹിക ശാസ്ത്ര മേളയിലും നിരവധി സമ്മാനങ്ങൾ ഇവർ നേടിയിട്ടുണ്ട്. ചെമ്പന്തൊട്ടി പെരുംപനച്ചിയിൽ അനീഷ്- റെൻസി ദമ്പതികളുടെ മക്കളാണ് അൻവിയയും ആൻലിയയും.  ▪️ റിപ്പോർട്ടർ: തോമസ് അയ്യങ്കനാൽ