ശ്രീകണ്ഠാപുരം വാർത്തകൾ

ശ്രീകണ്ഠപുരം നഗരസഭ 2024 – 25 വാർഷിക പദ്ധതിയിൽ ഉൾപ്പെടുത്തി കോൺക്രീറ്റ് വർക്ക് പൂർത്തീകരിച്ച പഴയങ്ങാടി വാർഡിലെ റോഡുകളുടെ ഉദ്ഘാടനം നഗരസഭ ചെയർപേഴ്സൺ ഡോ കെ വി ഫിലോമിന ടീച്ചർ നിർവഹിച്ചു. വാർഡ് കൗൺസിലറും നഗര സഭ വൈസ് ചെയർമാനുമായ കെ ശിവദാസൻ അധ്യക്ഷത വഹിച്ചു. 6 ലക്ഷം രൂപ വകയിരുത്തി സെൻമേരിസ് ചർച്ച് – അനക്കുണ്ട് റോഡ്, 4 ലക്ഷം രൂപ വകയിരുത്തി പത്മനാഭൻപടി റോഡിന്റെയും ആണ് കോൺക്രീറ്റ് വർക്ക് പൂർത്തീകരിച്ചത്. വികസന സ്റ്റാൻഡിങ് കമ്മറ്റി ചെയർപേഴ്സൺ ജോസഫിന ടീച്ചർ സ്വാഗതം പറഞ്ഞ പരിപാടിയിൽ പി ടി കുര്യാക്കോസ് മാസ്റ്റർ, ജോസ് കൊച്ചുപറമ്പിൽ തുടങ്ങിയവർ ആശംസകൾ അറിയിച്ച് സംസാരിച്ചു. ഷിബു പി ചടങ്ങിന് നന്ദി പറഞ്ഞു.