ശ്രീകണ്ഠാപുരം വാർത്തകൾ

പയ്യാവൂർ:കേന്ദ്ര സംസ്ഥാന സർക്കാർ ഫണ്ട്‌ ഉപയോഗിച്ച് ചെമ്പൻതൊട്ടി സെന്റ് ജോർജ് ഹൈസ്‌കൂളിൽ നിർമ്മിച്ച കിച്ചൻ കം സ്റ്റോർ സജീവ് ജോസഫ് എം എൽ എ ഉദ്ഘാടനം ചെയ്തു. മുനിസിപ്പൽ ചെയർപേഴ്സൺ ഡോ കെ.വി. ഫിലോമിന അധ്യക്ഷയായിരുന്നു. സ്കൂൾ മാനേജർ ഫാ. ആന്റണി മഞ്ഞളാംകുന്നേൽ, വാർഡ് കൗൺസിലർ കെ സി ജോസഫ് കൊന്നക്കൽ, ഹെഡ്മാസ്റ്റർ ബിജു സി അബ്രഹാം,പി ടി എ പ്രസിഡന്റ് സജി അടവിച്ചിറ, ഷീജ പുഴക്കര തുടങ്ങിയവർ സംസാരിച്ചു. ഉപജില്ലാ നൂൺ മീൽ ഓഫീസർ രാജേഷ് ബാബു പി പി പദ്ധതി വിശദീകരണം നടത്തി. കുട്ടികൾക്കെല്ലാം പായസവിതരണം നടത്തി. ▪️ റിപ്പോർട്ടർ: തോമസ് അയ്യങ്കനാൽ