ശ്രീകണ്ഠാപുരം വാർത്തകൾ

പയ്യാവൂർ:പയ്യാവൂർ ഗവ. യു.പി. സ്കൂളിൽ ‘ഇ ക്യൂബ് ഹിന്ദി പ്രോഗ്രാം ‘ ഉദ്ഘാടനം ചെയ്തു. സ്കൂൾ തലത്തിൽ ഹിന്ദി പഠനം ലളിതവും രസകരവുമാക്കാൻ പൊതുവിദ്യാഭ്യാസ വകുപ്പിൻ്റെ സാങ്കേതിക വിഭാഗമായ കൈറ്റ് വികസിപ്പിച്ചെടുത്ത മൾട്ടിമീഡിയ പ്ലാറ്റ്ഫോമാണ് ഇ ക്യൂബ് ഹിന്ദി ലാംഗ്വേജ് ലാബ് പരിപാടിയുടെ ഉദ്ഘാടനം ഇരിക്കൂർ ഉപജില്ലയുടെ ഐ ടി കോഡിനേറ്റർ ശ്രീ. സി.പി അജിത് കുമാർ നിർവ്വഹിച്ചു. കുട്ടികൾ നിയന്ത്രിച്ച ചടങ്ങിൽ ഏഴാം ക്ലാസ് വിദ്യാർത്ഥിനികളായ ആഷിമ ടി.കെയുടെ അധ്യക്ഷതയിൽ കൃഷ്ണതാര സ്വാഗതവും ആദ്യ ദിനേശ് നന്ദിയും പറഞ്ഞു. ഹെഡ്മാസ്റ്റർ പി. പ്രഭാകരൻ, അധ്യാപകരായ സാലി.ടി.എം, ബിന്ദു എം എന്നിവർ സംസാരിച്ചു. ▪️ റിപ്പോർട്ടർ: തോമസ് അയ്യങ്കനാൽ