ശ്രീകണ്ഠാപുരം വാർത്തകൾ

പയ്യാവൂർ: തലശേരി അതിരൂപത  വിദ്യാഭ്യാസ ഏജൻസിയുടെ ഈ വർഷത്തെ മികച്ച അധ്യാപികക്കുള്ള മാർ. സെബാസ്റ്റ്യൻ വള്ളോപ്പിള്ളി എക്സലൻസ് അവാർഡ് കരസ്ഥമാക്കിയ കുടിയാന്മല ഫാത്തിമ യുപി സ്കൂൾ മുഖ്യാധ്യാപിക ലൈല കുറുവന്താനത്തിനെ വൈഎംസിഎ കുടിയാന്മല യൂണിറ്റിൻ്റെ ആഭിമുഖ്യത്തിൽ ആദരിച്ചു. കുടിയാന്മല ഫാത്തിമ യുപി സ്കൂൾ ഹാളിൽ നടന്ന ചടങ്ങിൽ വൈഎംസിഎ യൂണിറ്റ് പ്രസിഡൻ്റ് ജിമ്മി ആയിത്തമറ്റം അധ്യക്ഷത വഹിച്ചു. കുടിയാന്മല ഫാത്തിമ മാതാ പള്ളി സഹവികാരി ഫാ.ജോസഫ് ഞാളിയത്ത് അവാർഡ് ജേതാവിന് ആദരവ് നൽകി.  യൂണിറ്റ് സെക്രട്ടറി ജോയ് ജോൺ  കുറിച്ചേൽ, ട്രഷറർ സെബാസ്റ്റ്യൻ കുരിശുംമൂട്ടിൽ, സിജോ കണ്ണേഴത്ത്, ജോസ് മുണ്ടാംപള്ളി, പൗലോസ് മൂഞ്ഞേലി എന്നിവർ പ്രസംഗിച്ചു.   ▪️ റിപ്പോർട്ടർ: തോമസ് അയ്യങ്കനാൽ