ശ്രീകണ്ഠാപുരം വാർത്തകൾ

ശ്രീകണ്ഠപുരം: പഴയങ്ങാടി അമ്മകോട്ടം മഹാദേവി ക്ഷേത്രത്തിൽ പ്രതിഷ്ഠാദിന ഉത്സവം മാർച്ച് 1ന് (ശനിയാഴ്ച) നടക്കും.രാവിലെ പശുദാന പുണ്യാഹം,അഷ്ടദ്രവ്യ മഹാഗണപതിഹോമം, ശ്രീഭൂതബലി, ബ്രഹ്മ കലശാഭിഷേകം, അഭിഷേക ദക്ഷിണ എന്നിവയുണ്ടാകും.ക്ഷേത്രം തന്ത്രി കാട്ടുമാടം ഈശാനനൻ നമ്പൂതിരിപ്പാട് കാർമികത്വം വഹിക്കും.11ന് ചേപ്പറമ്പ് പുതിയഭഗവതി മാതൃസമിതി തിരുവാതിരകളി അവതരിപ്പിക്കും.ഉച്ചയ്ക്ക് പ്രസാദ ഊട്ട്,വൈകീട്ട് ദീപാരാധന എന്നിവയും ഉണ്ടാകും.