ശ്രീകണ്ഠാപുരം വാർത്തകൾ

പയ്യാവൂർ : ചാമക്കാൽ ഗവൺമെൻറ് എൽ പി സ്കൂൾ വാർഷികാഘോഷം വാർഡ് മെമ്പർ പ്രഭാവതി മോഹൻ്റെ അധ്യക്ഷതയിൽപയ്യാവൂർ ഗ്രാമപഞ്ചായത്ത് പ്രസിഡൻറ് അഡ്വക്കേറ്റ് സാജു സേവിയർ ഉദ്ഘാടനം ചെയ്തു.സ്റ്റാൻഡിങ് കമ്മിറ്റി ചെയർമാൻ കെ മോഹനൻ വിദ്യാർത്ഥികളെ അനുമോദിച്ചു. വിവിധ മേഖലകളിൽ മികവ് തെളിയിച്ച വരെ സമഗ്ര ശിക്ഷ കേരളം ബിപിസി എം ഉണ്ണികൃഷ്ണൻ അനുമോദിച്ചു. യുവ സംരഭകൻ പി എസ് സനിത്ത് ,എം ടെക് സ്വർണ മെഡൽ ജേതാവ് കെ പി ശ്യാംജിത് ,പോളിമർ ടെക്നോളജിയിൽ ഡോക്ടറേറ്റ് നേടിയ ടോമി ജോസഫ് ,സംസ്ഥാന കലോത്സവത്തിൽ എ ഗ്രേഡ് നേടിയ സ്നേഹ മരിയ ഷാജി എന്നിവരെ അനുമോദിച്ചു.ചടങ്ങിൽ സ്കൂൾ പിടിഎ പ്രസിഡണ്ട് കെ ജി ഷിബു ജനപ്രതിനിധികളെ ആദരിച്ചു. പിസി മേരി, സൗമ്യ ദിനേശ്, എം ആർ ശ്രീഹരി, ടി.വി ദീപ, കെ എ ആൻസി ,സ്കൂൾ പ്രധാനാ ധ്യാപകൻ ഇ പി ജയപ്രകാശ്, എന്നിവർ സംസാരിച്ചു. തുടർന്ന് സ്കൂളിലെ മുഴുവൻ വിദ്യാർത്ഥികളും പൂർവ്വ വിദ്യാർത്ഥികളും രക്ഷിതാക്കളും വിവിധ പരിപാടികൾ അവതരിപ്പിച്ചു.