ശ്രീകണ്ഠാപുരം വാർത്തകൾ

ശ്രീകണ്ഠപുരം : മടമ്പം പ്രഫ. കണ്ടോത്ത് സ്‌മാരക (പികെഎം) ബിഎഡ് കോളജിൽ ഷെവലിയാർ പ്രഫ. വി.ജെ. ജോസഫ് കണ്ടോത്ത് അനുസ്മരണവും ഈവർഷം കോളജിൽ നിന്നു വിരമിക്കുന്ന എൽഡി സ്റ്റോർ കീപ്പർ മേരി ജോസഫിനുള്ള യാത്രയയപ്പ് സമ്മേളനവും നടന്നു.കോളജ് ഓഡിറ്റോറിയത്തിൽ നടന്ന സമ്മേളനം ശ്രീകണ്ഠ‌പുരം മുനിസിപ്പൽ ചെയർപേഴ്‌സൺ ഡോ.കെ.വി. ഫിലോമിന ഉദ്ഘാടനം ചെയ്തു. കോളജ് പ്രിൻസിപ്പൽ ഡോ. എൻ.സി. ജെസി അധ്യക്ഷത വഹിച്ചു.കോളജ് മാനേജർ ഫാ. ജോയി കട്ടിയാങ്കൽ പ്രഫ. കണ്ടോത്ത് അനുസ്‌മരണ പ്രഭാഷണം നടത്തി.വിരമിക്കുന്ന മേരി ജോസഫിന് കോളജ് സ്റ്റാഫ് അസോസിയേഷൻ മെമന്റോയും പാരിതോഷകവും നൽകി. ചടങ്ങിൽ കോളജ് വൈസ് പ്രിൻസിപ്പൽ ഡോ. പ്രശാന്ത് മാത്യു, പിടിഎ പ്രസിഡൻ്റ് ടി.എം. ജോസഫ്, കോളജ് റിട്ട. ലൈബ്രേറിയൻ പി.ടി. ജോൺ, ഓഫീസ് സൂപ്രണ്ട് സിസ്റ്റർ കാരുണ്യ, സ്റ്റാഫ് അസോസിയേഷൻ സെക്രട്ടറി കെ.ജെ. രാജേഷ്, യൂണിയൻ ചെയർപേഴ്സൺ അമിൻ മാത്യു എന്നിവർ പ്രസംഗിച്ചു. ▪️ റിപ്പോർട്ടർ: തോമസ് അയ്യങ്കനാൽ