ശ്രീകണ്ഠാപുരം വാർത്തകൾ

പയ്യാവൂർ:  സേക്രഡ് ഹാർട്ട് ഹയർ സെക്കൻഡറി സ്കൂളിൽ പ്രവർത്തിച്ചു വരുന്ന ലിറ്റിൽ കൈറ്റ്സ് വിദ്യാർത്ഥികൾ അവരുടെ ഫൈനൽ പ്രൊജക്ടിൻ്റെ ഭാഗമായി നടത്തിയ അയൽപക്ക വിദ്യാലയ സന്ദർശനത്തോടനുബന്ധിച്ച് ചാമക്കാൽ ഗവ.എൽപി സ്കൂളിലെ വിദ്യാർത്ഥികൾക്ക് കംപ്യൂട്ടറിൻ്റെ ബാലപാഠങ്ങൾ പകർന്നു നൽകി.  പയ്യാവൂർ ഗ്രാമപഞ്ചായത്ത് മെമ്പർ പ്രഭാവതി മോഹൻ പരിശീലന പരിപാടി ഉദ്ഘാടനം ചെയ്തു. സ്കൂൾ മുഖ്യാധ്യാപകൻ ഇ.പി.ജയപ്രകാശ്, ജോസ്മി ജോസ്, കെ.എ.ആൻസി എന്നിവർ പ്രസംഗിച്ചു. കൈറ്റ് മാസ്റ്റർ ലിബിൻ കെ.കുര്യൻ, കൈറ്റ് മിസ്ട്രസ് സിസ്റ്റർ ജോമിഷ എന്നിവർ നേതൃത്വം നൽകി. ആദിൽ അലി, ദീക്ഷിത് ടി.രമേഷ്, ഓസ്റ്റിൻ സാബു, അമൽ സ്റ്റീഫൻ എന്നിവർ ക്ലാസുകൾ നയിച്ചു.   ▪️ റിപ്പോർട്ടർ: തോമസ് അയ്യങ്കനാൽ