ശ്രീകണ്ഠാപുരം വാർത്തകൾ

പയ്യാവൂർ: പതിറ്റാണ്ടുകളായി മാധ്യമ രംഗത്തെ നിറസാന്നിധ്യമായ തോമസ് അയ്യങ്കാനാലിന് പയ്യാവൂർ പ്രവാസി കൂട്ടായ്മയുടെ ലൈഫ് ടൈം അച്ചീവ്മെൻ്റ് അവാർഡ് സമ്മാനിച്ചു. പയ്യാവൂർ ഗ്രാമപഞ്ചായത്ത് പരിധിയിലെ നാനൂറിലേറെ പ്രവാസികളുടെ കൂട്ടായ്മയായ പി പികെ ഗ്ലോബലിൻ്റെ നേതൃത്വത്തിൽ  പയ്യാവൂർ ദേവസ്വം ഗ്രൗണ്ടിൽ സംഘടിപ്പിച്ച സംഗിത നിശക്ക് മുന്നാേടിയായി നടന്ന  സാംസ്കാരിക സമ്മേളനം ഉദ്ഘാടനം ചെയ്ത പ്രശസ്ത സിനിമാ നടനും സംവിധായകനുമായ ശങ്കർ തോമസ് അയ്യങ്കാനാലിന് അവാർഡ് കൈമാറി. പിപികെ ഗ്ലോബൽ പ്രസിഡൻ്റ് സ്റ്റീഫൻ ജോൺ എളംപ്ലാക്കാട്ട് അധ്യക്ഷതവഹിച്ചു. സെക്രട്ടറി വിത്സൺ മഴുപ്പേൽ ആമുഖ പ്രഭാഷണം നടത്തി. സജീവ് ജോസഫ് എംഎൽഎ മുഖ്യാതിഥിയായിരുന്നു. പയ്യാവൂരിൻ്റ വിവിധ മേഖലകളിയിൽ ദീർഘകാലങ്ങളായി സേവനം നടത്തി വരുന്ന സണ്ണി പാറമ്പുഴയിൽ,  സംഗീതജ്ഞൻ പയ്യാവൂർ ബാലകൃഷ്ണൻ, മികച്ച കർഷകൻ സാജൻ നെല്ലിക്കുന്നിൽ, പയ്യാവൂരിലെ ആദ്യകാല പ്രവാസി മൂസ മൊട്ടമ്മൽ എന്നിവരെ ആദരിച്ചു. ലോക കേരള സഭാഗവും പ്രവാസി വ്യവസായിയുമായ ബെന്നി വാഴപ്പള്ളിൽ, പ്രോഗ്രാം കൺവീനർ ബിനോയി  ചേരിക്കത്തടം, സന്തോഷ് കാഞ്ഞിരക്കൊമ്പിൽ, ബിനോയ് കരിമ്പിൽ, ട്രഷറർ ജോണി ജേക്കബ് എന്നിവർ പ്രസംഗിച്ചു.