ശ്രീകണ്ഠാപുരം വാർത്തകൾ

സ്കൂളിലെ തന്നെ ജൈവ മാലിന്യങ്ങളും, ചാണകവും ഉപയോഗിച്ചുകൊണ്ട് വിജയകരമായി നൂറു മേനി വിളയിച്ച കൃഷി തികച്ചും മാതൃകാപരവും,അഭിനന്ദാർഹവുമാണെന്ന് ചെയർപേഴ്സൺ ഉദ്ഘാടന പ്രസംഗത്തിൽ പറഞ്ഞു.വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ത്രേസ്യാമ്മ മാത്യു അധ്യക്ഷത വഹിച്ചു. സ്കൂൾ അധ്യാപകൻ മണി കുന്നിൽ ന്റെ നേതൃത്വത്തിൽ അധ്യാപകരും, ഓഫീസ് സ്റ്റാഫുകളും, വിനോദ്, ജയൻ, നിധിൻ, അഞ്ജന,എസ് പി സി, ജെ ആർ സി വിദ്യാർത്ഥികളും ചേർന്നാണ് കൃഷി നടത്തിയത്. ഇതിനായി സ്കൂളിലെ തന്നെ ഉപയോഗശൂന്യമായ പച്ചക്കറികൾ, കഞ്ഞിവെള്ളം, മറ്റ് ജൈവ മാലിന്യങ്ങൾ എന്നിവയാണ് ഉപയോഗിച്ചത്. സ്കൂളുകളിലെ പച്ചക്കറി കൃഷിക്കായി നൽകിയ ചട്ടികളിൽ തക്കാളി, വെണ്ട, പച്ചമുളക്,പയർ, ചീര ,വഴുതനങ്ങ, തുടങ്ങി നിരവധി പച്ചക്കറികൾക്കൊപ്പം കൂൺ കൃഷിയും നടത്തുന്നു. കുട്ടികളിൽ കാർഷിക അവബോധം വളർത്തുന്നതിനും, സ്കൂൾ പാചകപ്പുരയിലേക്ക് കീടനാശിനികളും രാസവളങ്ങളും ഇല്ലാത്ത പച്ചക്കറികൾ ഉപയോഗിക്കുന്നതിനും വേണ്ടിയാണ് ഈ കൃഷി കൊണ്ട് ലക്ഷ്യമിടുന്നത്. ഹയർ സെക്കന്ററി വിഭാഗം പ്രിൻസിപ്പൽ രാജേന്ദ്രൻ ടി എം , ഹെഡ്മാസ്റ്റർ ഗീത എം വി, അധ്യാപകരായ രാജി, ജയ, കുമാരൻ,വിത്സൻ,ശ്യാം,സുനില,പിടിഎ പ്രസിഡന്റ് ഇബ്രാഹിം കെ പി തുടങ്ങിയവർ പങ്കെടുത്തു