ശ്രീകണ്ഠാപുരം വാർത്തകൾ

പയ്യാവൂർ : സൺഡേ സ്കൂൾ പന്ത്രണ്ടാം ക്ലാസ് വിദ്യാര്‍ത്ഥികൾക്കായി സീറോ മലബാർ സഭ നടത്തിയ പ്രതിഭാ സംഗമത്തിൽ, സീറോ മലബാർ സഭാതല വിജയിയായി തെരഞ്ഞെടുക്കപ്പെട്ട ആൽബിൻ തോമസ് സിബിച്ചൻ. സഭയുടെ വിശ്വാസ പരിശീലന കമ്മിഷൻ്റെ ആഭിമുഖ്യത്തിൽ എറണാകുളം കാക്കനാട്മൗണ്ട് സെന്റ് തോമസിൽ നടത്തിയ പ്രതിഭാ സംഗമത്തിൽ മേജർ ആർച്ച് ബിഷപ്പ് മാർ റാഫേൽ തട്ടിൽ പുരസ്കാരം നല്കി ആദരിച്ചു. പ്ലസ് ടു വിദ്യാർത്ഥിയായ ആൽബിൻ തലശേരി അതിരുപതയിലെ പൈസക്കരി ഇടവകാംഗം പള്ളിച്ചിറ സിബിച്ചൻ-ജിനോ ദമ്പതികളുടെ മകനാണ്. പൈസക്കരി ദേവമാതാ ഫൊറോന പള്ളിയിൽ നടന്ന ചടങ്ങിൽ ഫൊറോന വികാരി ഫാ.നോബിൾ ഓണംകുളം ആൽബിനെ പൊന്നാട അണിയിച്ച് ആദരിച്ചു. ▪️ റിപ്പോർട്ടർ: തോമസ് അയ്യങ്കനാൽ