ശ്രീകണ്ഠാപുരം വാർത്തകൾ

പയ്യാവൂർ: സീനിയർ സിറ്റിസൺ ഫ്രണ്ട്സ് വെൽഫെയർ അസോസിയേഷൻ (എസ് സിഎഫ്ഡബ്ല്യുഎ) പയ്യാവൂർ വില്ലേജ് കൺവൻഷൻ പുളുക്കൂൽ കുഞ്ഞിരാമൻ സ്മാരക ഹാളിൽ നടന്നു. എം.സി.നാരായണൻ ഉദ്ഘാടനം ചെയ്തു. കടാങ്കോട്ട് മാധവി അധ്യക്ഷത വഹിച്ചു. വി. സോമരാജൻ വില്ലേജ് കമ്മിറ്റി റിപ്പോർട്ടും വി.മുകുന്ദൻ മേഖല കമ്മിറ്റി റിപ്പോർട്ടും അവതരിപ്പിച്ചു. ഏരിയ സെക്രട്ടറി പി.പി.രാഘവൻ ഭാവി പ്രവർത്തനങ്ങളും കടമകളും വിവരിച്ചു. കെ.പി.കുഞ്ഞിരാമൻ, വി.സി.ജെയിംസ് എന്നിവർ പ്രസംഗിച്ചു. പുതിയ കമ്മിറ്റിയുടെ തെരഞ്ഞെടുപ്പിന് എം.സി.തോമസ് നേതൃത്വം നൽകി.   റിപ്പോർട്ടർ: തോമസ് അയ്യങ്കനാൽ