ശ്രീകണ്ഠാപുരം വാർത്തകൾ

പയ്യാവൂർ: ലെൻസ് ഫെഡ് പയ്യാവൂർ യൂണിറ്റിൻ്റെ പതിനഞ്ചാമത് കൺവൻഷൻ പയ്യാവൂർ വ്യാപാരി വ്യവസായി സമിതി ഹാളിൽ നടന്നു. ലെൻസ് ഫെഡ് ഏരിയ പ്രസിഡൻ്റ് കെ. പ്രജിത്ത് ഉദ്ഘാടനം ചെയ്തു. യൂണിറ്റ് വൈസ് പ്രസിഡൻ്റ് അനിറ്റ ജോസ് അധ്യക്ഷത വഹിച്ചു. യൂണിറ്റ് സെക്രട്ടറി എൻ.പി. മുഹമ്മദ് റാഷിദ് ആമുഖ പ്രഭാഷണവും സംസ്ഥാന സമിതിയംഗം എ.എസ്. മാത്യു മുഖ്യ പ്രഭാഷണവും നടത്തി. ജോയിൻ്റ് സെക്രട്ടറി സോണി ജോസ് അനുശോചന പ്രമേയം അവതരിപ്പിച്ചു. യൂണിറ്റ് സെക്രട്ടറി എൻ.പി. മുഹമ്മദ് റാഷിദ് പ്രവർത്തന റിപ്പോർട്ട്, ട്രഷറർ സന്ദീപ് പൊന്ന്യത്ത് വരവ് ചെലവ് കണക്ക്, പി.എസ്. ബിജുമോൻ സംഘടനറിപ്പോർട്ട്, ഒ.ടി. രമേശൻ ക്ഷേമനിധി റിപ്പോർട്ട് എന്നിവ അവതരിപ്പിച്ചു. ഏരിയ വൈസ് പ്രസിഡൻ്റ് അജോമോൻ ജോസഫ്, യൂണിറ്റ് ട്രഷറർ സന്ദീപ് പൊന്ന്യത്ത് എന്നിവർ പ്രസംഗിച്ചു. 🗞️📝 റിപ്പോർട്ടർ: തോമസ് അയ്യങ്കനാൽ