ശ്രീകണ്ഠാപുരം വാർത്തകൾ

ചെമ്പേരി: കേരള പൊലിസിൻ്റെ ആഭിമുഖ്യത്തിൽ കുടിയാന്മല ജനമൈത്രി പൊലിസിൻ്റെ സഹകരണത്തോടെ ഏരുവേശി ഗ്രാമപഞ്ചായത്ത് ഒമ്പതാം വാർഡിലെ വളയംകുണ്ട് മുണ്ടായക്കടവ് റെസിഡൻ്റ്സ് അസോസിയേഷൻ സംഘടിപ്പിച്ച സ്ത്രീകൾക്കും പെൺകുട്ടികൾക്കുമായുള്ള സ്വയം പ്രതിരോധ പരിശീലന പരിപാടി ഒ.സി. പ്രകാശിൻ്റെ വസതിയുടെ അങ്കണത്തിൽ നടന്നു. വാർഡ് മെംബർ ജോൺസൺ പുലിയുറുമ്പിൽ ഉദ്ഘാടനം ചെയ്തു. കുടിയാന്മല പൊലിസ് സബ് ഇൻസ്പെക്ടർ വിനോദ് കുമാർ അധ്യക്ഷത വഹിച്ചു. ജനമൈത്രി പൊലിസ് ഓഫീസർമാരായ പവിത്രൻ, ദിൽന, റെസിഡൻ്റ്സ് അസോസിയേഷൻ ഭാരവാഹികളായ പ്രകാശ് ജോൺ, ജിഷ, അസോസിയേഷൻ കുടുംബാംഗങ്ങൾ എന്നിവർ പങ്കെടുത്തു. എഎസ്ഐമാരായ പ്രീത, സിന്ധു മണി എന്നിവരാണ് ക്ലാസ് നയിച്ചത്. 🗞️📝 റിപ്പോർട്ടർ: തോമസ് അയ്യങ്കനാൽ