ശ്രീകണ്ഠാപുരം വാർത്തകൾ

ശ്രീകണ്ഠപുരം സിപിഐ എം ആദ്യകാല നേതാവ് കാവിൽ കണ്ണന്റെ മൂന്നാം ചരമവാർഷിക ദിനാചരണം ചേപ്പറമ്പിൽ നടന്നു. സിപിഐ എം ജില്ലാ സെക്രട്ടറിയേറ്റ് അംഗം എം പ്രകാശൻ ഉദ്ഘാടനം ചെയ്തു. കെ ജെ ജോണി അധ്യക്ഷനായി. സിപിഐ എം ലോക്കൽ സെക്രട്ടറി ടി കെ പ്രകാശൻ സ്വാഗതം പറഞ്ഞു. ഡിവൈഎഫ്ഐ ജില്ലാ സെക്രട്ടറി മുഹമ്മദ് അഫ്സൽ, സിപിഐ എം ശ്രീകണ്ഠപുരം ഏരിയ സെക്രട്ടറി എം സി രാഘവൻ, ഏരിയ കമ്മിറ്റി അംഗം പി വി ശോഭന തുടങ്ങിയവർ സംസാരിച്ചു. ചൊവ്വാഴ്ച്ച രാവിലെ സ്മൃതി മണ്ഡപത്തിൽ പതാക ഉയർത്തലും പുഷ്പാർച്ചനയും നടന്നു. സിപിഐ എം നിടിയേങ്ങ ലോക്കൽ സെക്രട്ടറി ടി കെ പ്രകാശൻ പതാക ഉയർത്തി. വി ഷിജിത്ത്, ടി ആർ നാരായണൻ, വി വി സുനിൽ കുമാർ എന്നിവർ സംസാരിച്ചു.