ശ്രീകണ്ഠാപുരം വാർത്തകൾ

ചന്ദനക്കാംപാറ: കഴിഞ്ഞ ഒരു വർഷക്കാലം ചന്ദനക്കാംപാറ ചെറുപുഷ്പ ബാസ്ക്കറ്റ്ബോൾ സ്പോർട്സ് അക്കാദമിയിൽ കോച്ചായി പ്രവർത്തിച്ച ശേഷം തിരുവനന്തപുരം മാർ ഇവാനിയോസ് കോളജിലേക്ക് സ്ഥലം മാറി പോകുന്ന കായിക പരിശീലകൻ അനൂപ് ഗോപിക്ക് ചന്ദനക്കാംപാറ സ്പോർട്സ് കൗൺസിലിൻ്റെ ആഭിമുഖ്യത്തിൽ യാത്രയയപ്പ് നൽകി. ചന്ദനക്കാംപാറ ചെറുപുഷ്പ ഹൈസ്കൂൾ മുഖ്യാധ്യാപിക മഞ്ജു ജെയിംസ്, പിടിഎ പ്രസിഡൻ്റ് ടോമി വടക്കുംവീട്ടിൽ, ഹൈസ്കൂൾ കായികാധ്യാപകൻ എം.എം. വിനു, വിദ്യാർത്ഥി പ്രതിനിധികളായ ജസ്റ്റിൻ സാബു, ജിംഷ എന്നിവർ പ്രസംഗിച്ചു. ചെറുപുഷ്പ സ്പോർട്സ് അക്കാദമിയിൽ പുതിയ കോച്ചായി ചന്ദനക്കാംപാറ സ്വദേശി ജോസ് ഫിലിപ്പ് ചുമതലയേറ്റു. 🗞️📝 റിപ്പോർട്ടർ: തോമസ് അയ്യങ്കനാൽ