ശ്രീകണ്ഠാപുരം വാർത്തകൾ

ശ്രീകണ്ഠാപുരം: ഓണാഘോഷം സംഘടിപ്പിക്കുന്നത് സംബന്ധിച്ച് ആലോചിക്കുന്നതിനായി ചേർന്ന യോഗം സംസ്കാര സാഹിതി കണ്ണൂർ ജില്ലാ വൈസ് ചെയർമാൻ ഡോ.വി.എ.അഗസ്റ്റിൽ ഉദ്ഘാടനം ചെയ്തു. സംസ്കാര സാഹിതി ഇരിക്കൂർ നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ വിപുലമായ ഓണാഘോഷ പരിപാടികളും കുടുംബ സംഗമവും സംഘടിപ്പിക്കാൻ യോഗം തീരുമാനിച്ചു. ആഗസ്റ്റ് 29 നു ശനിയാഴ്ച രാവിലെ 9 മണി മുതൽ ശ്രീകണ്ഠാപുരത്താണ് പരിപാടി. പൂക്കള മത്സരം, എസ് .ജാനകി ചലച്ചിത്ര ഗാന മത്സരം തുടങ്ങി പലയിനം മത്സരങ്ങളും തിരുവാതിര, നാടൻ പാട്ട്, ചിത്രപ്രദർശനം, കുടുംബ സംഗമം, എഴുത്തുകാരുടെ സംഗമം, ഓണസദ്യ,തുടങ്ങി നിരവധി പരിപാടികളോടെയാണ് ഓണാഘോഷം സംഘടിപ്പിക്കുന്നത്.പരിപാടിയിൽ ജനപ്രതിനിധികൾ, സാംസ്കാരിക രംഗത്തെ പ്രമുഖർ എന്നിവർ പങ്കെടുക്കും.സംസ്കാര സാഹിതി ഇരിക്കൂർ നിയോജക മണ്ഡലം ചെയർമാൻ .കെ.വി.ജേക്കബ്ബിൻ്റെ അദ്ധ്യക്ഷതയിൽ ചേർന്ന ആലോചനായോഗത്തിൽ ദിവാകരൻ മാസ്റ്റർ ,ജോസഫീന ടീച്ചർ ,രജിത ബാലഗോപാൽ എന്നിവർ സംസാരിച്ചു.ശ്രീമതി ഷീജ ജഗന്നാഥൻ സ്വാഗതവും രമ്യ കൊയ്യം നന്ദിയും പറഞ്ഞു.