ശ്രീകണ്ഠാപുരം വാർത്തകൾ

ശ്രീകണ്ഠപുരം: കണ്ണൂർ യൂണിവേഴ്‌സിറ്റി യൂണിയന്റെ ആഭിമുഖ്യത്തിൽ ശ്രീകണ്ഠപുരം എസ് ഇ എസ് കോളേജിൽ ‘എ ഐ കാലത്തെ മാറുന്ന കുറ്റകൃത്യങ്ങൾ’ എന്ന വിഷയത്തിൽ സെമിനാർ സംഘടിപ്പിച്ചു. കോളേജ് പ്രിൻസിപ്പാൾ ഡോ. റീന സെബാസ്റ്റ്യൻ സെമിനാറിന്റെ ഉദ്ഘാടനം നിർവ്വഹിച്ചു. നിർമ്മിത ബുദ്ധി (AI) വ്യാപകമാകുന്ന കാലഘട്ടത്തിൽ അതിവേഗം മാറിക്കൊണ്ടിരിക്കുന്ന സൈബർ കുറ്റകൃത്യങ്ങളെക്കുറിച്ചും അതിനെതിരെ പുലർത്തേണ്ട ജാഗ്രതയെക്കുറിച്ചും ഗവേഷകനായ നിവേദ് നാരായൺ സെമിനാറിൽ ക്ലാസ്സെടുത്തു. എസ് ഇ എസ് കോളേജ് യൂണിയൻ ചെയർമാൻ ആർ. കെ. യദുകൃഷ്ണ, യൂണിയൻ ഫൈൻ ആർട്സ് അഡ്വൈസർ പി. എഫ്. പ്രവീൺ, യൂണിയൻ ജനറൽ സെക്രട്ടറി എം. എസ്. ദേവ്നന്ദ് എന്നിവർ ചടങ്ങിൽ സംസാരിച്ചു. ധാരാളം വിദ്യാർത്ഥികളും അധ്യാപകരും സെമിനാറിൽ പങ്കെടുത്തു.