ശ്രീകണ്ഠാപുരം വാർത്തകൾ

നുച്യാട്: ഗവ. യുപി സ്കൂളിലെ പ്രവേശനോത്സവം ഉളിക്കൽ ഗ്രാമ പഞ്ചായത്ത് മെംബർ എം. അസീസ് ഉദ്ഘാടനം ചെയ്തു. എസ്എംസി ചെയർമാൻ അസീസ് നന്ദാനിശേരി അധ്യക്ഷത വഹിച്ചു. സ്‌കൂൾ മുഖ്യാധ്യാപിക ബി. റഹ്മത്തുന്നിസ ആമുഖ പ്രഭാഷണം നടത്തി. മുൻ അധ്യാപിക പി. ജോളിക്കുട്ടി മാത്യു , റിട്ട. എസ്ഐ പി.പി. പ്രഭാകരൻ, സ്‌കൂൾ സീനിയർ അസിസ്റ്റൻ്റ് ടി.എം. ബീന, സ്റ്റാഫ് സെക്രട്ടറി കെ.എസ്. സൂരജ് കുമാർ, മദർ പിടിഎ പ്രസിഡൻ്റ് എം.പി. ആബിദ, വി.സി. പ്രശാന്തൻ, എസ്ആർജി കൺവീനർ എ.ആർ. റിൽജി എന്നിവർ പ്രസംഗിച്ചു. നവാഗതരായ വിദ്യാർത്ഥികൾക്ക് സ്‌കൂൾ പിടിഎ, പുനർജനി സ്വയം സഹായ സംഘം എന്നിവരുടെ ആഭിമുഖ്യത്തിൽ പഠനോപകരണങ്ങൾ നൽകി. നുച്യാട് ഗവ. യുപി സ്കൂളിലെ പ്രവേശനോത്സവം ഉളിക്കൽ ഗ്രാമ പഞ്ചായത്ത് മെംബർ എം. അസീസ് ഉദ്ഘാടനം ചെയ്തു പ്രസംഗിക്കുന്നു. ▪️ റിപ്പോർട്ടർ: തോമസ് അയ്യങ്കനാൽ