ശ്രീകണ്ഠാപുരം വാർത്തകൾ

കൂട്ടുമുഖം: പുതിയ അധ്യയന വർഷത്തിൽ സ്കൂളിലേക്കെത്തുന്ന കുരുന്നുവിദ്യാർത്ഥികൾക്ക് കൂട്ടുമുഖം എംസിസിസിഎം തണൽ ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ സമ്മാനമായി പുത്തൻ ബാഗും കുടകളും മറ്റ് പഠനോപകരണങ്ങളും നൽകി കുടുംബങ്ങൾക്ക് കൈത്താങ്ങായി. ക്യൂൻ മേരി ഹോമിയോ ക്ലിനിക്കിലെ ഡോ. സിസ്റ്റർ ഷാനി എസ്കെഡി, സഭാംഗം സിസ്റ്റർ റാണി, ട്രസ്റ്റ് അംഗങ്ങൾ, നാട്ടുകാർ എന്നിവരുടെ സാന്നിധ്യത്തിൽ ലിസിഗിരി ഇടവക വികാരി ഫാ.തോമസ് ചിന്താർമണിയിൽ പരിപാടി ഉദ്ഘാടനം ചെയ്ത് പഠനോപകരണങ്ങൾ വിതരണം ചെയ്തു. മദർ സുപ്പീരിയർ സിസ്റ്റർ റെജീന, ട്രസ്റ്റ് സെക്രട്ടറി ഷൈനി പ്രദീപ് കണ്ടത്തിൽ, ട്രസ്റ്റ് ട്രഷറർ ഷാജൻ ചെത്തിപ്പുഴ എന്നിവർ പ്രസംഗിച്ചു. ▪️ റിപ്പോർട്ടർ: തോമസ് അയ്യങ്കനാൽ