ശ്രീകണ്ഠാപുരം വാർത്തകൾ

നെല്ലിക്കുറ്റി: എസ്എസ്എൽസി, പ്ലസ് ടു പരീക്ഷകളിൽ മുഴുവൻ വിഷയങ്ങൾക്കും എ പ്ലസ് കരസ്ഥമാക്കിയ വിദ്യാർത്ഥികൾക്ക് നെല്ലിക്കുറ്റി കേരളോദയ വായനശാല, സമന്വയ ചാരിറ്റബിൾ സൊസൈറ്റി എന്നിവയുടെ സംയുക്താഭിമുഖ്യത്തിൽ സ്വീകരണവും ഉപഹാരങ്ങളും നൽകി അനുമോദിച്ചു. നെല്ലിക്കുറ്റി ടൗൺ സ്ക്വയറിൽ നടന്ന അനുമോദന സമ്മേളനം ഏരുവേശി ഗ്രാമപഞ്ചായത്ത് വികസനകാര്യ സ്ഥിരംസമിതി അധ്യക്ഷൻ സോജൻ കാരാമയിൽ ഉദ്ഘാടനം ചെയ്തു. നെല്ലിക്കുറ്റി സെൻ്റ് അഗസ്റ്റിൻസ് പള്ളി വികാരി ഫാ. മാത്യു ഓലിയ്ക്കൽ ഉപഹാരങ്ങൾ സമ്മാനിച്ചു. സെൻ്റ് അഗസ്റ്റ്യൻസ് ഹൈസ്കൂൾ മുഖ്യാധ്യാപകൻ സോണി മാത്യു, ഗാന്ധി മെമ്മോറിയൽ യുപി സ്കൂൾ മുഖ്യാധ്യാപിക ഷാൻ്റി തോമസ്, ഏരുവേശി പഞ്ചായത്ത് മുൻ പ്രസിഡൻ്റ് മിനി ഷൈബി, ടോമി ചാമക്കാലായിൽ, ഷാജി അറയ്ക്കൽ, സാവിയോ ഇടയാടിയിൽ എന്നിവർ പ്രസംഗിച്ചു. ▪️ റിപ്പോർട്ടർ: തോമസ് അയ്യങ്കനാൽ