ശ്രീകണ്ഠാപുരം വാർത്തകൾ

മഴക്കാലത്തിന് മുന്നോടിയായി ശ്രീകണ്ഠപുരം നഗരസഭ ഭരണസമിതിയും ആരോഗ്യ വിഭാഗവും മാർക്കറ്റുകളിലും, ഹോട്ടലുകളിലും പരിശോധന നടത്തി. മഴക്കാലത്ത് പടർന്നുപിടിക്കുന്ന പകർച്ചവ്യാധികൾ തടയുന്നതിനും, ഭക്ഷ്യസുരക്ഷ ഉറപ്പു വരുത്തുന്നതിനുമാണ് ഹോട്ടലുകളിലെയും മാർക്കറ്റുകളുടെയും പരിശോധനകൾ ഊർജിതമാക്കിയിരിക്കുന്നതെന്ന് നഗരസഭ അധ്യക്ഷൻ അഡ്വ ഇ വി രാമകൃഷ്ണൻ അറിയിച്ചു. ചെയർപേഴ്സൺ അഡ്വ ഇ വി രാമകൃഷ്ണൻ, ആരോഗ്യ കാര്യ സ്റ്റാൻഡിങ് കമ്മിറ്റി ചെയർപേഴ്സൺ പി നൂർദിൻ, വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ കെ ബിജു,പി എച്ച് ഐ സതീശൻ പി വി, ജെ എച്ച് ഐ മാരായ അർച്ചന മൂർകോത്ത്, അനീഷ പി വി,തുടങ്ങിയവർ നേതൃത്വം നൽകി.