ശ്രീകണ്ഠാപുരം വാർത്തകൾ

പയ്യാവൂർ: സംസ്ഥാന ലൈബ്രറി കൗൺസിലിൻ്റെ സഹകരണത്തോടെ നടത്തിവരുന്ന വായന കളരിയുടെ ഭാഗമായി കുന്നത്തൂർ ജ്ഞാനോദയ വായനശാലയുടെ ആഭിമുഖ്യത്തിൽ ‘നാടറിയാം, പുഴയറിയാം’ എന്ന പേരിൽ വിദ്യാർത്ഥികൾക്കായി പുഴ യാത്ര സംഘടിപ്പിച്ചു. വായനശാല പ്രവർത്തകരും വിദ്യാർത്ഥികളും പൈസക്കരി മടയ്ക്കൽ പുഴയോരത്ത് ഒത്തുചേർന്ന് കൗതുകങ്ങളും സംശയങ്ങളും വിദ്യാർത്ഥികൾ ചോദിച്ചറിഞ്ഞു. നാടിൻ്റെയും പുഴയുടെയും ചരിത്രങ്ങളും മുതിർന്നവർ പങ്കുവച്ചു. വായനശാല പ്രസിഡൻ്റും എഴുത്തുകാരനുമായ ലിജു ജേക്കബ്, സെക്രട്ടറി എൻ.ബി. ജോസ്, കെ.ജെ. ജോണി, ജോസ് മണിമല എന്നിവർ നേതൃത്വം നൽകി. മൂന്നു മണിക്കൂർ സമയം പുഴയോരത്ത് ചെലവഴിച്ച ശേഷം വ്യത്യസ്തമായൊരു യാത്രാനുഭവത്തോടെയാണ് വിദ്യാർത്ഥികൾ മടങ്ങിയത്. ▪️ റിപ്പോർട്ടർ: തോമസ് അയ്യങ്കനാൽ