ശ്രീകണ്ഠാപുരം വാർത്തകൾ

കാഞ്ഞിലേരി പൊതുജന വായനശാലയും സമഗ്ര ശിക്ഷ കേരളം ഇരിക്കൂർ ബി ആർ സി യും സംയുക്‌തമായി അവധിക്കാല ക്യാമ്പ് സംഘടിപ്പിച്ചു. സി സി പ്രജിനയുടെ അധ്യക്ഷതയിൽ നഗരസഭ കൗൺസിലർ രജിത പ്രഭാകരൻ ഉദ്ഘാടനം ചെയ്തു. ജില്ലാ സർഗോൽവത്തിൽ ജേതാവായ കെ കെ ദേവ്നയെ ആദരിച്ചു. ലഘു പരീക്ഷണങ്ങൾ, പേപ്പർ ക്രാഫ്റ്റ്, പുസ്തകപരിചയം, നാടിനെ അറിയാം, ഫൺ ഗെയിംസ് തുടങ്ങി വിവിധ സെഷനുകൾ സംഘടിപ്പിച്ചു. ബ്ലോക്ക് പ്രൊജക്ട് കോഡിനേറ്റർ എം കെ ഉണ്ണികൃഷ്ണൻ, വായനശാല സെക്രട്ടറി ഇ പി ജയപ്രകാശ്,പി ജനാർദ്ദനൻ, സൂര്യ സി വി , ശോഭന പി വി എന്നിവർ നേതൃത്വം നൽകി.