ശ്രീകണ്ഠാപുരം വാർത്തകൾ

ഇരിട്ടി നഗരസഭാധ്യക്ഷ ശ്രീലത സംഗീത യാത്ര ഉദ്ഘാടനം ചെയ്യും. അടുത്ത ഒമ്പത് ദിവസങ്ങളിലായി മലയോര മേഖലയിലെ പ്രമുഖ ടൗണുകളിലൂടെ സഞ്ചരിച്ച് അവതരിപ്പിക്കുന്ന സംഗീത പരിപാടികളിൽ പൊതുജനങ്ങളിൽ നിന്നും സംഭാവനയായി സ്വീകരിക്കുന്ന തുക ഡിസംബർ നാലിന് ശ്രീകണ്ഠപുരത്ത് നടക്കുന്ന സമാപന ചടങ്ങിൽ ജനപ്രതിനിധികളുടെയും പൗരപ്രമുഖരുടെയും സാന്നിധ്യത്തിൽ ചികിത്സാ സഹായ കമ്മിറ്റിക്ക് കൈമാറും. കാരുണ്യ സംഗീത യാത്രാ സംഘത്തിലെ മുഖ്യ ഗായകൻ സന്തോഷ് കാവുമ്പായിയോടൊപ്പം സിന്ധു പരിയാരം, രാകേഷ് ലൂക്ക, രമ്യേഷ് ആഡൂർ, ബാബുരാജ് ചേടിച്ചേരി, രൂപേഷ്, സജീർ തില്ലങ്കേരി, ശ്രീലക്ഷ്മി വിനോദ് എന്നിവരും വിവിധ ദിവസങ്ങിലെ സംഗീത പരിപാടികളിൽ ഗാനങ്ങൾ ആലപിക്കും.