ശ്രീകണ്ഠാപുരം വാർത്തകൾ

ശ്രീകണ്ഠപുരം: ശ്രീകണ്ഠപുരം നഗരസഭ കൃഷിവകുപ്പ് നടപ്പിലാക്കുന്ന പോഷകത്തോട്ടം പദ്ധതി ചെയർപേഴ്സൺ ഡോ കെ വി ഫിലോമിന ടീച്ചർ ഉദ്ഘാടനം ചെയ്തു. കേരള ജനതയുടെ ആരോഗ്യ സംരക്ഷണം ഉറപ്പാക്കുന്ന രീതിയിൽ കേരളത്തിലെ കാർഷിക മേഖലയെ സമയബന്ധിതമായി കൂടുതൽ ഫലപ്രദവും ചാലനാത്മകവുമാക്കുന്നത് ലക്ഷ്യമിട്ടു കൊണ്ടാണ് പോഷകത്തോട്ടം പദ്ധതി നടപ്പിലാക്കുന്നത്. കൃഷി ഓഫീസർ അനുഭാഗ്യ എം സ്വാഗതം പറഞ്ഞ പരിപാടിയിൽ നഗര വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ജോസഫിന വർഗീസ് അധ്യക്ഷത വഹിച്ചു. ഹെൽത്ത് ഇൻസ്പെക്ടർ വി പ്രേമരാജൻ, പബ്ലിക് ഹെൽത്ത് ഇൻസ്പെക്ടർ സതീശൻ പി വി തുടങ്ങിയവർ പങ്കെടുത്തു.