ശ്രീകണ്ഠാപുരം വാർത്തകൾ

പയ്യാവൂർ: മടമ്പം പികെഎം കോളജ് ഓഫ് എഡ്യൂക്കേഷനിൽ 2025-27 ബാച്ച് അധ്യാപക വിദ്യാർത്ഥികളുടെ സ്കൂൾ ഇന്റർഷിപ്പിനൊരുക്കമായുള്ള ബ്ലെസിംഗ് സെറിമണിയും 2025-26 വർഷത്തെ കോളേജ് മാഗസിൻ റിലീസും സംയുക്തമായി സംഘടിപ്പിച്ചു. കോളജ് കോൺഫറൻസ് ഹാളിൽ നടന്ന ചടങ്ങിൽ കോളജ് ബർസറും ലോക്കൽ മാനേജരുമായ ഫാ. ഷാജി വടക്കേത്തൊട്ടിയിൽ, മുൻ പ്രിൻസിപ്പൽ ഡോ എൻ.സി. ജെസി എന്നിവർ പങ്കെടുത്ത് സ്കൂൾ ഇന്റേൺഷിപ്പിലേക്ക് പ്രേവേശിക്കുന്ന അധ്യാപക വിദ്യാർത്ഥികൾക്ക് അനുഗ്രഹാശംസകൾ നേർന്നു. 2025-26 വർഷത്തെ കോളജ് മാഗസിൻ മുൻ പ്രിൻസിപ്പലും മാഗസിൻ ചീഫ് എഡിറ്ററു മായിരുന്ന ഡോ. എൻ.സി. ജെസിക്കു കൈമാറി പ്രകാശനം ചെയ്തു. പ്രിൻസിപ്പൽ ഡോ. പ്രശാന്ത് മാത്യു അധ്യക്ഷത വഹിച്ചു കോളജ് ഐക്യുഎസി കോ ഓർഡിനേറ്റർ ഡോ. വീണ അപ്പുക്കുട്ടൻ ആമുഖ പ്രഭാഷണവും ഡോ. എൻ.സി. ജെസി അധ്യാപക വിദ്യാർത്ഥികളുമായി ഇന്ററാക്ഷനും നടത്തി. സ്റ്റാഫ്‌ എഡിറ്ററും നാച്ചുറൽ സയൻസ് വിഭാഗം അധ്യാപികയുമായ ജോമോൾ ജോസ്, സ്റ്റുഡന്റ് എഡിറ്റർ ദീക്ഷിത, സ്റ്റാഫ്‌ അസോസിയേഷൻ സെക്രട്ടറി കെ.ജെ.രാജേഷ് എന്നിവർ പ്രസംഗിച്ചു. റിപ്പോർട്ടർ: തോമസ് അയ്യങ്കനാൽ