ശ്രീകണ്ഠാപുരം വാർത്തകൾ

ശ്രീകണ്ഠപുരം: നഗരസഭ ഹോമിയോ ഡിസ്പെൻസറിയുടെയും ജവഹർ ജനശ്രീ പന്ന്യാൽ യൂണിറ്റിൻ്റെയും ആഭിമുഖ്യത്തിൽ നടത്തിയ സൗജന്യ ഹോമിയോ മെഡിക്കൽ ക്യാമ്പ് നഗരസഭ അധ്യക്ഷൻ അഡ്വ ഇ വി രാമകൃഷ്ണൻ ഉദ്ഘാടനം ചെയ്തു. വാർഡ് വികസന സമിതി പ്രസിഡന്റ്‌ ബെന്നി കെ സി അദ്ധ്യക്ഷത വഹിച്ചു. ജോസ്ന ഷിജോ സ്വാഗതം പറഞ്ഞ പരിപാടിയിൽ കൗൺസിലർ ജെയ്‌ന ജോസഫ്, പ്രിൻസൺ ആന്റണി, റോസമ്മ മലയിക്കൽ തുടങ്ങിയവർ ആശംസകൾ അറിയിച്ചു സംസാരിച്ചു. ചെറുപുഷ്പ ദേവാലയ പാരിഷ് ഹാളിൽ വെച്ച് നടത്തിയ പരിപാടിയിൽ ഗവണ്മെന്റ് ഹോമിയോമെഡിക്കൽ ഓഫീസർ ഡോക്ടർ രാജിവൻ്റെ് നേതൃത്വത്തിലുള്ള മെഡിക്കൽ സംഘം, ക്യാമ്പിന് നേതൃത്വം നൽകി. ഡോ ടിൻഡിൽ തോമസ് ക്ലാസുകൾ നയിച്ചു. പകർച്ചവ്യാധി പ്രതിരോധ മരുന്ന് വിതരണവും നടത്തി. ഫിലിപ്പ് എബ്രഹാം , ട്രഷറർ ജവഹർ ജനശ്രീ ചടങ്ങിന് നന്ദി പറഞ്ഞു.