ശ്രീകണ്ഠാപുരം വാർത്തകൾ

പയ്യാവൂർ: പച്ചത്തേങ്ങയ്ക്ക് കിലോഗ്രാമിന് 65 രൂപ വരെ ലഭിച്ച് ഏറെനാൾ കഴിയും മുമ്പ് തന്നെ വിലകുറഞ്ഞ് ഇപ്പോൾ 35 രൂപയാണ് വിപണി വില. ഇതിനാൽ കർഷകർക്ക് തെങ്ങ് കൃഷിയോടുള്ള താത്‌പര്യം നഷ്ടപ്പെട്ടുകൊണ്ടിരിക്കുകയാണ്. തെങ്ങിനെ ബാധിച്ചിട്ടുള്ള പലവിധ രോഗങ്ങൾക്കൊപ്പം കൊമ്പൻചെല്ലി, ചെമ്പൻചെല്ലി എന്നിവയുടെ ശല്യവും കാരണം കർഷകർ ആകെ നിരാശയിലായതിനാൽ മെച്ചപ്പെട്ട വില ലഭ്യമാക്കാൻ ആവശ്യമായ നടപടികൾ സ്വീകരിക്കേണ്ട അടിയന്തര സാഹചര്യം സർക്കാരുകളുടെ ശ്രദ്ധയിൽപ്പെടുത്താൻ ബന്ധപ്പെട്ട അധികാരികൾ തയാറാകണമെന്ന് പയ്യാവൂർ നാളികേര ഫെഡറേഷൻ ആവശ്യപ്പെട്ടു. ഫെഡറേഷൻ പ്രസിഡൻ്റ് ടി.കെ. കുഞ്ഞുമോൻ തുമ്പശേരിയിൽ അധ്യക്ഷത വഹിച്ചു. ഫെഡറേഷൻ സെക്രട്ടറി ജോൺ പൗവത്തേൽ ആമുഖ പ്രസംഗം നടത്തി. പഞ്ചായത്ത് വൈസ് പ്രസിഡൻ്റ് പി.കെ. ബാലകൃഷ്ണൻ, റോബിൻ സഖറിയ തുടിയൻപ്ലാക്കൽ, സൈമൺ പാഴൂക്കുന്നേൽ, ജോസഫ് പുല്ലാട്ട് എന്നിവർ പ്രസംഗിച്ചു. ▪️ റിപ്പോർട്ടർ: തോമസ് അയ്യങ്കനാൽ